എന്താണീ ജൈവ വൈവിധ്യം ?
ജീവൻെറ വൈവിധ്യമാണ് ജൈവവൈവിധ്യം.നമ്മുടെ ഭൂമിയിലുള്ള ജീവജാനങ്ങളുടെ എണ്ണം ,അവ തമ്മിലുള്ള സാദ്യശ്യങ്ങൾ , വൈജാത്യങ്ങൾ, പുനരുത്പാദന രീതികൾ,ജനിതകഘടനയിലും ജാതിയിലും കാണപ്പെടുന്ന അനസ്ഥാഭേദങ്ങൾ, ആവാസവ്യവസകൾ, ആകൃതി എന്നിവയുടെ ആകെ തുകയാണ് ജൈവവൈവിധ്യം എന്നു പറയാം. ഏറ്റവു വലിയ ജീവിയായ നീലത്തിമിംഗലം മാമുതൽ ഒരു മില്ലിമീറ്ററിൻെറ പത്തുലക്ഷത്തിലെന്നോളം മാത്രം വലുപ്പമുള്ള മൈക്കോപ്ലാസ്മ വരെ ഇതിൽ ഉൾപ്പെടുന്നു.
ജൈവവൈവിധ്യത്തെ മൂന്നായി തിരിച്ചിരിക്കുന്നു.
1.ജനിതകവൈവിധ്യം ( GENETIC DIVERSITY )
ഒരേതരം സ്പീഷീസുകളിലുള്ള ജീവജാലങ്ങളിലെ ജനിതക സ്വഭാവത്തിൻെറ അടിസ്ഥാനത്തിലുള്ള വൈവിധ്യം ഉദാഹരണം. മാൻ വർഗത്തിലെ പുള്ളിമാനും കലമാനും കേഴമാനും തമ്മിലുള്ള വ്യത്യാസം. അവയിലെ ജനിതകവൈവിധ്യമാണ് വർണ - വലുപ്പത്തിനടിസ്ഥാനം.
2. ജീവജാതി വൈവിധ്യം ( SPECIES DIVERSITY )
ജൈവമണ്ഡലത്തിലെ ആവാസവ്യവസ്ഥയിൽ കണ്ടുവരുന്ന സസ്യ -ജന്തുസൂക്ഷമജീവി വർഗങ്ങളുടെ ആകെ എണ്ണം, അവ തമ്മിലുള്ള പരസ് പരാശ്രയത്വം , വൈജാത്യങ്ങൾ എന്നിവയാണ് ഇതുകൊണ്ടു ലക്ഷ്യം വയ്ക്കുന്നത്.
3. ആവാസവ്യവസ്ഥയിലെ വൈവിധ്യം
ജീവികളും ചുറ്റുമുള്ള ജൈവ - അജൈവ ജനിതക വിഭാഗങ്ങളും നിരന്തരമായ ബന്ധത്തിലൂടെ സൃഷ്ടിച്ചെടുക്കുന്ന ശൃംഘലയാണ് ആവാസവ്യവസ്ഥാ വൈവിധ്യം. ഇത് മണ്ണ് , കാലാവസ്ഥ , മഴയുടെ അളവ് , ഭൂപ്രകൃതി എന്നിവയനുസരിച്ച് വ്യത്യാസപ്പെട്ടിരിക്കും.ഉദാഹരണം കണ്ടൽവനങ്ങൾ , കടൽ, കാട് , പുൽമേടുകൾ,ശുദ്ധജലാശയം , മരുഭൂമി എന്നിവ.
ഓരോ ആവാസവ്യവസ്ഥയും പാരിസ്ഥിതികമായും ഘടനാപരമായും വ്യത്യാസപ്പെട്ടിരിക്കും. ജൈവമണ്ഡലത്തിൻെറ വ്യാപ്തി ഭൂമിയിലും ആഴക്കടലിലും അന്തരീക്ഷത്തിലെ ഓക്സിജൻെറ സാന്നിധ്യമുള്ള ഏതാനും കിലോമീറ്ററിലുമായി പരിമിതപ്പെട്ടിരിക്കുന്നു.
ബയോഡൈവേഴ്സിറ്റി ഹോട്ട് സ്പോട്ടുകൾ
ജൈവവൈവിധ്യത്താൽ സമ്പുഷ്ടമായതും അതെ സമയം ജീവജാലങ്ങളുടെ ആവാസവ്യവസ്ഥയുടെ ഗുരുതരമായ ശോഷണം നടക്കുന്നതുമായ സ്ഥലങ്ങളാണ് ബയോഡൈവേഴ്സിറ്റില ഹോട്ട് സ്പോട്ടുകൾ. (BIODIVERSITY HOTSPOTS) ലോകത്താകമാനം ഇത്തരം 34 ഹോട്ട് സ്പോട്ടുകളുണ്ട്.
ഹോട്ട് സ്പോട്ടുകളായി പരിഗണിക്കണമെങ്കിൽ അവിടെ കുറഞ്ഞത് 1500 സ്പീഷീസ് തനത് (ENDEMIC) സസ്യങ്ങളുണ്ടായിരിക്കണം. മത്രമല്ല അവയുടെ ആവാസസ്ഥലത്തിൻെറ 70 ശതമാനമെങ്കിലും നഷ്ടപ്പെട്ടിട്ടുണ്ടാവണം. കൺസർവേഷൻ ഇൻറർനാഷ്ണൽ എന്ന രാജ്യാന്തര സംഘടനയാണ് ഹോട്ട് സ്പോട്ടുകളൾ തീരുമാനിക്കുന്നത്. ലോകത്ത് വംശനാശഭീക്ഷണി നേരിടുന്ന ( CRITICALLY ENDANGERED ) സസ്തനികളിൽ 59 ശതമാനവും പക്ഷികളിൽ 78 ശതമാനവും ഉഭയജീവികളിൽ 85 ശതമാനവും ഹോട്ട് സ്പോട്ടുകളിൽ തനതായി കാണപ്പെടുന്നവയാണ്. ഇത് ഹോട്ട് സ്പോട്ടുകൾ തിരിച്ചറിഞ്ഞ് സംരക്ഷിക്കേണ്ട പ്രധാന്യമാണ് കാണിക്കുന്നത്.
ദ്വീപുകളിലുള്ള ഹോട്ട് സ്പോട്ടുകളിലെ (ISLAND HOTSPOT ) ജീവജാലങ്ങളിൽ ഏറെയും മഡഗാസ്കർ , ഇന്ത്യൻ ഓഷ്യൻ ദ്വീപുകൾ,പോളിനീഷ്യ, കരീബിയൻ ദ്വീപുകൾ എന്നിവ ഉദാഹരണങ്ങളാണ്.
ജൈവവൈവിധ്യ കലവറ
പശ്ചിമഘട്ടവുമായി ബന്ധപ്പെട്ട് 15 ദേശീയോദ്യാനങ്ങളും 44 വന്യജീവിസങ്കതങ്ങളുമുണ്ട്. 2011 ൽ പുറത്തുവിട്ട റെഡ് ഡാറ്റ പ്രകാരം പശ്ചിമഘട്ടത്തിലെ ഒട്ടേറെ സസ്യജന്തുജാലങ്ങൾ ഭീഷണിയിലാണ്. നദികൾ വറ്റി വളരുമ്പോഴും മഴക്കാടുകൾ നശിക്കുമ്പോഴും വന്യമൃഗങ്ങൾ വേട്ടയാടപ്പെടുമ്പോഴും നാം നമ്മേതന്നെയാണു വംശനാശഭീഷണിയിലേക്കു തള്ളിവിടുന്നത്. കേരളത്തെ തമിഴ്നാടിലെ കടുത്ത കാല്വസ്ഥയിൽ നിന്നു സംരക്ഷിക്കുന്നത് നമ്മുടെ പശ്ചിമഘട്ടമാണ്. ഈ മലനിരകൾ ഇല്ലായിരുന്നങ്കിൽ മലബാർ മേഖല ഒരു ഉഷ്ണ ഭൂമിയായി മാറുമായിരുന്നു. കേരളത്തിലെ കാലവർഷത്തിനും സുഖകരമായ കാലാവസ്ഥയ്ക്കും ഈ ഗിരിനിരയോടു നാം കടപ്പെട്ടിരിക്കുന്നു.
5000 ഇനം പുഷ്പിത സസ്യങ്ങൾ , കുഞ്ഞുങ്ങളെ പ്രസവിക്കുന്ന 139 ജീവികൾ - അതിൽ ഇവിടെ മാത്രം കാണപ്പെടുന്ന സസ്തനികൾ 15 ഇനം. സിംഹവാലനും വരയാടും കരിങ്കുരങ്ങും ഇതിൽ സവിശേഷമായ സ്ഥാനം അലങ്കരിക്കുന്നു. പശ്ചിമഘട്ടത്തിലെ 508 ഇനം പക്ഷികളിൽ 16 ഇനം ലോകത്ത് മറ്റൊരിടത്തുമില്ലാത്തവയാണ്. ഉരഗങ്ങളിൽ അധികവും പാമ്പുകളാണ്. സഹ്യാദ്രി മഴക്കാടുകളിൽ മാത്രം കാണുപ്പെടുന്ന ഇരുപതിനം പാമ്പുകളും രണ്ടിനം ആമകളും ഈ മഴക്കാടിനെ വ്യത്യസ്തമാക്കുന്നു. 179 വ്യത്യസ്ത ഇനം ഉഭയജീവികളും അനേകം പൂമ്പാറ്റകളും ശുദ്ധജലമത്സ്യങ്ങളും മറ്റും ഈ ജൈവകലവറയുടെ സ്വത്താണ്.
1.5 കോടി ഹെക്ടർ വിസ്തൃതിയുള്ള പശ്ചിമഘട്ടത്തിന് അഗസ്ത്യമല , പെരിയാർ, ആനമല, നീലഗിരി, തലക്കാവേരി, കുദ്രേമുഖ്, സഹ്യാദ്രി എന്നീങ്ങനെ ഏഴുഭാഗങ്ങളുണ്ട്. ജൈവവൈവിധ്യങ്ങളുടെ കലവറയായ പശ്ചിമഘട്ടത്തിൽ കണ്ടെത്തിരിക്കുന്ന സസ്തനികൾ, പക്ഷികൾ, ഉഭയജീവികൾ, ഉരകങ്ങൾ, ശുദ്ധജലമത്സങ്ങൾ,ഷഡ്പദങ്ങൾ എന്നിവയിൽ പലതും ദേശജാതിക്കാരാണ്. വംശനാശഭീഷണി നേരിടുന്ന 380 ഓളം ജീവജാലങ്ങൾ ഇവിടെയുണ്ട്. ഇന്ത്യയിലെ ശുദ്ധജലവൈവിധ്യം ഏറെയുള്ളത് ഒരേയൊരു ഹോട്ട് സ്പോട്ടാണ് കേരളം. അതിനാൽ തന്നെ അതീവ സംരക്ഷണത്തിന് ഈ മണ്ണ് അർഹമാണ്.
സസ്യവൈവിധ്യത്താൽ സമ്പന്നമായ പശ്ചിമഘട്ടത്തിൽ നിന്നു ദേശ ജാതികളിൽ സപുഷ്പികളായ ഏതാണ്ട് ആയിരത്തിഎഴുനൂറോളം സസ്യവർഗങ്ങളും പായലുകളിൽ 19 എണ്ണം ഉൾപ്പെടെ നിരവധി സസ്യങ്ങൾ കണ്ടെത്തിയിട്ടുണ്ട്. വ്യാവസായിക -സാമ്പത്തിക പ്രാധാന്യമുള്ള പല സസ്യങ്ങളുടെയും വന്യയിനങ്ങൾ പശ്ചിമഘട്ടത്തിനുണ്ട്. ഇവയിൽ കൂടുതലും ആയുർവേദ മരുന്നു ചെടികളാണ്. ഉദാഹരണം ആരോഗ്യപച്ച, കല്ലുവാഴ, ചിറ്റരത്ത, ഗരുഡക്കൊടി, സർപ്പഗന്ധി, കുരുമുളക്,ഏലം, ഇഞ്ചി, മഞ്ഞൾ തുടങ്ങിയവ. പശ്ചിമഘട്ടത്തലെ ജീവജാതികളിൽ കേരളത്തിൻെറ മേഖലയിൽ കണ്ടെത്തിയവയുടെ എണ്ണം: സപുഷ്പി സസ്യങ്ങൾ 4575 പന്നലുകൾ 349 ആൽഗകൾ 886 ലൈക്കനുകൾ 520 ആൽഗകൾ 886 ഫംഗസുകൾ 4800 പായലുകൾ 973 സസ്തനികൾ 106 പക്ഷികൾ 486 ഉരഗങ്ങൾ 169 ഉഭയജീവികൾ 93 ഉൾനാടൻ മത്സ്യങ്ങൾ 210 ഷഡ്പദങ്ങൾ 6000 മറ്റ് ആർത്രോപാഡുകൾ 6000 ഈ കണക്കിൽ എണ്ണമറ്റയിനം സൂക്ഷ്മജീവികളും മറ്റു സസ്യയിനങ്ങളും പെടുന്നില്ല എന്നത് ഓർക്കുക. നമ്മുടെ കായലുകളിലും നദികളിലുമുള്ള ജലജീവി വൈവിധ്യം ഇതിനുപുറമെയാണ്.
പശ്ചിമഘട്ടവുമായി ബന്ധപ്പെട്ട് കേരളത്തിൽ കാണപ്പെടുന്ന പ്രമുഖ സസ്തനികൾ
പേര് , ശാസ് ത്രനാമം എന്ന ക്രമത്തിൽ
കടുവ (Tiger ) ശാസ് ത്രനാമം : Panthera Tigris പാന്തേര ടൈഗ്രീസ്
പുള്ളിപ്പുലി ( Panther - Leopard) Panthera Pardus പാന്തേര പാർഡസ്
കാട്ടുപൂച്ച ( Jungle Cat ) Felis chaus ഫെലിസ് ചോസ്
കരടി (Sloth Bear ) Melursus ursinus അഴ്സിനസ്
ആന ( Asian Elephant ) Elephas maximus ഐലിഫാസ് മാക്സിമസ്
സിംഹവാലൻ കുരങ്ങ് (Liontailed Macaque ) Macaca Silenus മാക്കാക്ക സൈലനസ്
ഹനുമാൻ കുരങ്ങ് ( Hanuman langur ) Semnopithecus entellus സെമിനോപിത്തിക്കസ്
ഐൻേറലസ്
കരിങ്കുരങ്ങ് ( Nilgiri Langur ) Trachypithecus johnii
നാടൻകുരങ്ങ് ( Bonnet Macaque ) Macaca radiate മാക്കാക്ക റേഡിയേറ്റ
കുട്ടിത്തേവാങ്ക് ( Slender Loris ) Loris lyddekerianus ലോറി ലൈഡികോറിയാനസ്
വരയാട് ( Nilgiri Tahr/ Wild goat ) himitragus hylocrius (Nilgiritragus hylocrius )
ഹെമിട്രാഗസ് ഹൈലോക്രിയസ്
കാട്ടുപോത്ത് ( Gaur) Bosgaurus ബോസ് ഗാറസ്
കട്ടുനായ ( Indian Wild Dog) Cuon alpinus ക്യുവോൺ ആൽപിനസ്
കുറുക്കൻ ( Jackal ) Canis aureus
കലമാൻ/ മ്ലാവ് (Samber) Cervus unicolour സെർവസ് യുനികളർ
പുള്ളിമാൻ ( Spotted Deer ) Axis axis ആക്സിസ് ആക്സിസ്
ഇരുവരയണ്ണാൻ / മുക്കണ്ണൻ ( Dusky Striped Squirrel) Funambulus sublineatus
ഫ്യൂണാംബുലസ് സബ് ലീനിയേറ്റസ്
മുള്ളൻപന്നി ( Indian porcupine ) Hystrix indica ഹിസ് ട്രിക്സ് ഇൻഡിക
കാട്ടുപന്നി ( Indian wild pig ) sus scrofa സസ് ക്രോഫ
മരനായ് / നീൽഗിരി മാർട്ടെൻ( Nilgiri Marten) Martes gwatkinsi
മാർട്ടസ് ഗ്വവറ്റ്ക്വിൻസി
മരപ്പട്ടി (Toddy Cat ) Paradoxurus hermaphroditus പാരഡോക്സറാസ
ഹെർമാഫ്രോഡൈറ്റസ്
നാടൻകീരി ( Common Mongoose ) Herpestes edwardsilae ഹാർപസ്റ്റസ് എഡ്വാഴ്സി
ചെങ്കീരി ( Striped necked mongoose ) Herpestes vitticolis ഹെർപസ്റ്റസ് വിറ്റികോളിസ്
ചുണയൻ കീരി ( Ruddy Mongoose) Herpestes smithii ഹെർപസ്റ്റസ് സ്മിതി
നീർനായ ( Common otter ) Lutra lutra ലൂട്ര ലൂട്ര
കാട്ടുമുയൽ / ചെവിയൻ (Indian Hare ) Lepus nigric ollis നൈഗ്രികോറളിസ്
ഈനാംപേച്ചി /ഉറുമ്പ്തീനി (Indian pangolin ) Manis crassicaudata മാനിസ്
ക്രോസികോഡാറ്റ്
ചാമ്പൽ മലയണ്ണാൻ ( Grizzled Gaint Squirrel ) Ratufa macroura റാറ്റുഫാ മക്രൂറ
പശ്ചിമഘട്ടത്തിൽ മാത്രം കാണപ്പെടുന്ന പ്രമുഖ പക്ഷികൾ
കോഴിവേഴാമ്പൽ MALABAR GREY HORNBILL
നീലത്തത്ത BLUEWINGED PARAKEET ( MALABAR PARAKEET)
നീലക്കിളി പാറ്റാപിടിയൻ NILIGIRI FYCATCHER
കരിഞ്ചെമ്പൻ പാറ്റാപിടിയൻ BLACKAND ORANGE FLYCATCHER
സന്ധ്യക്കിളി WHITEBELLID SHORTWING
കാട്ടൂഞ്ഞാലി WHITEBELLID TREEPIE
ചാരത്തലയൻ ബുൾബുൾ GREYHEADED BULBUL
വയനാടൻ ചിലുചിലുപ്പൻ പതുങ്ങൻ ചിലപ്പൻ
നീലഗിരി ചിലപ്പൻ NILGIRI LAUGHINGTHRUSH
ചെഞ്ചിലപ്പൻ ROFOUS BABBLER
മരപ്രാവ് NILGIRI WOOD PIGEON
ചെറുതേൻകിളി SMALL SUNBIRD
മലവരമ്പൻ NILGIRI PIPT
കാട്ടുനീലി WHITEBELLIED BLUE FLYCATCHER
പോതക്കിളി BOARDTAILED BLUE FLYCATCHER
ചിലുചിലപ്പൻ/.വടക്കൻ ചിലുചിലപ്പൻ GREYBREASTED LAUGHINGTHRUSH
മാക്കാച്ചിക്കാട CEYLON FROGMOUTH
ലോക പൈതൃകസമിതി ഉൾപ്പെടുത്തിയ പശ്ചിമഘട്ട മേഖലകളിലെ കേരളത്തിലെ 19 കേന്ദ്രങ്ങൾ
കേരളത്തിലെ 19 കേന്ദ്രങ്ങളെ അഗസ്ത്യമല, പെരിയാർ ആനമല, നീലഗിരി എന്നിങ്ങനെ നാലു മേഖലകളായി തിരിച്ചിരിക്കുന്നു. ഇവയിൽ ഉൾക്കൊള്ളുന്ന 19 മേഖലകൾ ഇനിപ്പറയുന്നവയാണ്.
1.കുളത്തൂപ്പുഴ, 2. പേപ്പാറ, 3. നെയ്യാർ, 4.പാലോട്,5. ഷെന്തുരിണി,6. പെരിയാർ കടുവാ സങ്കേതം, 7. റാന്നി, 8.കോന്നി,9. അച്ചൻകോവിൽ, 10. ഇരവികുളം ദേശീയോദ്യാനങ്ങൾ ,11. മാങ്കുളം,12. ചിന്നാർ, 13. മന്നവൻ ചോല, 14. കരിഞ്ചോല,15. സൈലൻറ് വാലി, 16. പുതിയ അമരമ്പലം, 17. കാളികാവ്, 18. അട്ടപ്പാടി, 19. ആറളം.
