ചൂടുള്ള ദിവസങ്ങളുടെ എണ്ണംകൂടുകയും തണുപ്പുള്ള ദിവസങ്ങളുടെ എണ്ണം കുറയുകയും ചെയ്യുകയാണിപ്പോൾ. വേനലും മഞ്ഞും മഴയുമൊക്കെയായി ഒരു താളത്തിൽ കടന്നു പോയിക്കൊണ്ടിരിക്കുന്നു. പ്രവചനാതീതമായ രീതിയിൽ കാലാവസ്ഥ തകിടം മറിയിയുമ്പോൾ ഒരു നിമിഷമെങ്കിലും ഓർക്കാറുണ്ടോ ഇതൊക്കെ നമ്മുടെ തന്നെ ചെയ്തികളുടെ ഫലമാണന്ന് ? ജലക്ഷാമം, കൊടും വളർച്ച , താപതരംഗങ്ങൾ, മഞ്ഞുരുകൽ, സമുദ്രജലവിതാനം ഉയരൽ, അമ്ലമയമാവുന്ന സമുദ്രം, വെള്ളപ്പൊക്കം, കൊടുങ്കാറ്റുകൾ, പകർച്ചവ്യാധികൾ, എൽനിനോ ലാനിന പോലുള്ള കാലാവസ്ഥാ പ്രതിഭാസങ്ങൾ തുടങ്ങി പലരൂപത്തിൽ കാലാവസ്ഥാവ്യതിയാനത്തിൻെറ ഭീകരതകൾ നമുക്കൂ ദൃശ്യമാവാൻ തുടങ്ങിയിട്ടു നാളേറെയായി. കാലാവസ്ഥാവ്യതിയാനങ്ങൾ വിതക്കുന്ന ദുരന്തങ്ങൾ ലക്ഷകണക്കിനു മനുഷ്യരെയാണ് കാലാവസ്ഥാ അഭയാർത്ഥികളാക്കി മാറ്റുന്നത്.
അന്തരീക്ഷ ദിനസ്ഥിതിക്കും കാലാവസ്ഥയ്ക്കും നിത്യജീവിതവുമായി ഏറെ ബന്ധമുണ്ട്. അതുകൊണ്ടു തന്നെ കാലാവസ്ഥ, കാലാവസ്ഥവ്യതിയാനങ്ങൾ, ദുരന്തങ്ങളെക്കുറിച്ചുള്ള മുന്നറിയിപ്പുകൾ എന്നിവയൊക്കെ ജീനനും സ്വത്തിനും സംരക്ഷണം നൽകാനുള്ള പ്രവർത്തനങ്ങൾ മുൻകൂട്ടി ആസൂത്രണം ചെയ്യാൻ സഹായിക്കും. ഗുരുതരമായ കാലാവസ്ഥവ്യതിയാനങ്ങൾ സാമൂഹിക സാമ്പത്തിക മേഖലകളിൽ വൻ പ്രത്യാഘാതങ്ങളാണുണ്ടാക്കുക. കാലാവസ്ഥവ്യതിയാനങ്ങൾ ജലം, ഭക്ഷണം ഊർജം തുടങ്ങി ഏറ്റവും അത്യാവശ്യ വിഭവങ്ങളെ ശോഷിപ്പിക്കുന്നതിലൂടെ സുസ്ഥിര വികസനത്തെ തടയും. എന്നാൽ ശാസ് ത്രസാങ്കേതിക രംഗത്തിൻെറ കുതിച്ചുചാട്ടത്തിലൂടെ ഉപഗ്രഹങ്ങൾ, വിദൂരസംവേദനം. കമ്പ്യൂട്ടർ രംഗം തുടങ്ങിയ മേഖലയിലുണ്ടായ മുന്നേറ്റം കാലാവസ്ഥ ശാസ് ത്രത്തിലും പുതിയ സാധ്യതകളാണ് തുറന്നിട്ടത്.
മഴയുടെ വിതരണത്തിലെ വ്യത്യാസം, ജലക്ഷാമം, കൊടും വരൾച്ച, താപനില, വെള്ളപൊക്കം എന്നിവയെക്കുറിച്ച് നേരത്തെ ലഭ്യമാകുന്ന വിവരങ്ങൾ കൃഷി, വിളവെടുപ്പ് ഉല്പന്നങ്ങൾക്ക് വിപണി കണ്ടെത്തൽ തുടങ്ങിയ കാര്യങ്ങളിൽ മെച്ചപ്പെട്ട ആസൂത്രണം നടത്താൻ കർഷകരെ സഹായിക്കും. കാലാവസ്ഥാ സംബന്ധമായ വിവരങ്ങൾ നഗരാസൂത്രകരെ പ്രകൃതി ദുരന്തങ്ങളെ നേരിടൽ ,ദുരന്തനിവാരണം, എന്നിവ ശക്തിപ്പെടുത്താനും ഒരു ഹരിതസമ്പദ് വ്യവസ്ഥ യാഥാർഥ്യമാക്കാനും സഹായിക്കും.
പെടുന്നനയുള്ള കാലാവസ്ഥവ്യതിയാനങ്ങളും പ്രകൃതി ദുരന്തങ്ങളും വിതച്ചേക്കാവുന്ന പകർച്ചവ്യാതികളെക്കുറിച്ചുള്ള മുന്നറിവ് രോഗപ്രതിരോധ പ്രവർത്തനങ്ങൾ ശക്തമാക്കൽ ,രോഗനിവാരണം എന്നിവ സാധ്യമാക്കും.ജലവിഭവ മെനേജ് മെൻറ് വിഭാഗത്തിനാകട്ടെ ജലവിതരണം പരമാവധി മെച്ചപ്പെടുത്താനും വെള്ളപ്പൊക്കം നേരിടാനുമൊക്കെ ഇതു സഹായകമാകും. ഊർജരംഗത്തിനാവട്ടെ ഒരു പ്രത്യേക പ്രദേശത്ത് ഊർജ്ജോത് പാദനത്തിനായി ഏതു തരം നിലയമാണ് വേണ്ടത് എന്ന് തീരുമാനമെടുക്കാൻ അവിടത്തെ കാലാവസ്ഥയെക്കുറിച്ചും സൂക്ഷമമായ അറിവിലൂടെ സാധിക്കും.
1950 മാർച്ച് 23 നാണ് വേൾഡ് മീറ്ററോളജിക്കൽ ഓർഗനൈസേഷൻ (WMO) രൂപീകൃതമായത്. ഇതിൻെറ സ്മരണക്കായാണ് മാർച്ച് 23 ലോക കാലാവസ്ഥദിനമായി ആചരിക്കുന്നത്.
കാലാവസ്ഥാദിനം ക്വിസ്
No comments:
Post a Comment