പ്രപഞ്ചത്തിൽ ജീവൻ എന്ന അത്ഭുത പ്രതിഭാസത്തിൻെറ ഈറ്റില്ലമാണു ഭൂമി. ഹരിതഭംഗിയാർന്ന കാനനങ്ങളും അഗാതനീലിമയുള്ള സമുദ്രങ്ങളും അത്യുന്നതങ്ങളായ ഗിരിശൃംഗങ്ങളും മഞ്ഞുത്തൊപ്പികളും നീലാകാശത്തിൽ ഒഴുകി നർക്കുന്ന മേഘങ്ങളും വൈവിധ്യമാർന്ന ജീവജാലങ്ങളുമൊക്കെ ഭൂമിയുടെ മനോഹരിതക്കു മാറ്റുകൂട്ടുന്നു.
ഏപ്രിൽ 22 ആണ് ലോകഭൗമദിനം ആയി ആചരിക്കുന്നത്. ഭൂമിയുടെ സംരക്ഷണമാണ് ഭൗമദിനാചരണ ലക്ഷ്യം. ജനങ്ങളിൽ പരിസ്ഥിതിയെക്കുറിച്ച് അവബോധം വളർത്തുക എന്ന ലക്ഷ്യത്തോടെ 1970 ഏപ്രിൽ 22-നു അമേരിക്കൻ ഐക്യനാടുകളിലാണ് ആണ് ആദ്യത്തെ ഭൗമദിനം ആചരിച്ചത്‌.
മനുഷ്യന്റെ ഇടപെടലിനെ ആശ്രയിച്ചിരിക്കുന്നു ഭൂമിയുടെ നിലനിൽപ്പ്. മനുഷ്യന് അതിനെ സംരക്ഷിക്കുകയൊ നശിപ്പിക്കുകയോ ചെയ്യാം. ഈ നൂറ്റാണ്ട് അവസാനിക്കുമ്പോഴേക്കും ഭൂമിയുലെ ചൂട് നാലു ഡിഗ്രിയെങ്കിലും കൂടുമെന്നാണ് യു എൻ പഠനസംഘത്തിന്റെ മുന്നറിയിപ്പ്. ഇന്ധനങ്ങളായ പെട്രോളും മറ്റും കത്തുമ്പോൾ പുറത്തുവിടുന്ന കാർബൺ അന്തരീക്ഷത്തിൽ നിറയുന്നതാണ് ക്രമാതീതമായി വർദ്ധിക്കുന്ന ചൂടിനു പിന്നിലുള്ള അടിസ്ഥാന കാരണം. ആഗിരണം ചെയ്യുവാൻ ആവശ്യമായ വനങ്ങളും മറ്റു സസ്യാവരണങ്ങളും കുറഞ്ഞതോടെ ഈ കാർബൺ അന്തരീക്ഷത്തിൽ തന്നെ അവശേഷിക്കുന്നു. പ്രകൃതിയിലേക്കുള്ള തിരിച്ചുപോക്കാണ് ഈ പ്രതിസന്ധിക്കുള്ള ഏക പരിഹാരം. തിരുത്തലിനും നിയന്ത്രണത്തിനുമായി ആഗോള വ്യാപകമായി നടക്കുന്ന ശ്രമങ്ങളിലാണ് ഇന്നു ലോകത്തിന്റെ പ്രതീക്ഷ. നാളത്തെ തലമുറയുടെ ഇങ്ങനെയുള്ള ദുർവിധിതിരുത്തുക എന്നതാണ് ഭൗമദിനാചരണം കൊണ്ട് ഉദ്ദ്യേശിക്കുന്നത്.
ആഗോളതാപനം എന്ന മഹവിപത്ത് വലിയൊരു ദുരന്തകാലത്തിലേക്കാണു നമ്മെ നയിക്കുന്നത്. ആഗോളതാപനത്തിൽ 90 ശതമാനത്തിലധികവും മനുഷ്യൻെറ തന്നെ സംഭാവനയാണ്. ഫോസിൽ ഇന്ധനങ്ങളുടെ ജ്വലനവും വിവേചനരഹിതമായ വ്യാവസായിക പ്രവർത്തനങ്ങളുമെല്ലാം അന്തരീക്ഷത്തിൽ ഹരിതഗൃഹവാതകങ്ങളുടെ ആദിക്യത്തിനു വഴിയൊരുക്കുന്നു. കാർബൺ ഡൈ ഓക്സൈഡ്, മീഥേൻ,ക്ലോറോഫ്ലൂറോകാർബണുകൾ നൈട്രസ് ഓക്സൈഡ് നീരാവി തുടങ്ങിയ ഹരിതഗൃഹവാതകങ്ങൾ സൂര്യനിൽ നിന്നു ഭൂമിയിലെത്തുന്ന താപത്തിൻെറ അംശം പുറത്തേക്കു പോവാതെ തടഞ്ഞുനിർത്തുന്ന പാളിയായി പ്രവർത്തിക്കുന്നു. ഹരിതഗൃഹ പ്രഭാവം എന്ന ഈ പ്രതിഭാസം ഭൗമാന്തരീക്ഷത്തെ ചുട്ടുപഴുപ്പിക്കുന്നു.
2008 രാജ്യാന്തര ഭൗമവർഷമായി ആചരിച്ചു. ഭൂമിയെക്കുറിച്ചും ഭൂമി നേരിടുന്ന പ്രശ്നങ്ങളെക്കുറിച്ചും കൂടുതലറിയാനും ഭൗമശാസ്ത്രങ്ങളുടെ വ്യാപ്തിയും പ്രസക്തിയും മനസ്സിലാക്കുവാനും ഇതിന്റെ ഭാഗമായുള്ള പ്രവർത്തനങ്ങൾ വഴിയൊരുക്കി. മനുഷ്യന്റെ ഇടപെടൽ മൂലം ഭൂമിയിലുണ്ടാവുന്ന ആഗോളതാപനം , കാലവസ്ഥാ വ്യതിയാനങ്ങൾ തുടങ്ങിയ പ്രശ്നങ്ങളെക്കുറിച്ച് ആഗോള തലത്തിൽ അവബോധം വളർത്തുക,ഭൂമിശാസ് ത്രഗവേഷണങ്ങൾ പ്രോത്സാഹിപ്പിക്കുക, പുതിയ പ്രകൃതിവിഭവങ്ങൾ കണ്ടെത്തുക, ഭൂമിശാസ്ത്രത്തിലെ ചികിൽസാ സാധ്യതകൾ കണ്ടെത്തുക, സമുദ്രങ്ങളെ കൂടുതൽ പഠിക്കുക എന്നിവയായിരുന്നു ഭൗമവർഷാചരണത്തിന്റെ ലക്ഷ്യങ്ങൾ.
പ്രകൃതിവിഭവങ്ങളെ സംരക്ഷിച്ചുകൊണ്ടും വരും തലമുറകൾക്കായി കരുതിവച്ചുകൊണ്ടുമുള്ള സുസ്ഥിര വികസനം യാഥാർഥ്യമാവണം ആ ദിശയിലേക്കു ലോകത്തെ നയിക്കുന്ന പ്രവർത്തനങ്ങളാണിനി ആവശ്യം നമ്മുടെ ഊഴം അതിനായി ഉപയോഗിക്കാം
ഭൗമദിനം
ഭൗമദിനം ക്വിസ്
No comments:
Post a Comment